það er auðvita fáránlegt að misnotað sé orðið einelti um það hvernig Davíð Oddsson er búinn að fara með þessa þjóð.

• Davíð skapaði ásamt framsóknarmönnum það umhverfi hér á Íslandi sem auðjöfrar hafa getað misnotað óáreittir.
• Davíð segist hafa séð bankahrunið fyrir, en sagði ekki frá því.
• Seðlabankinn þar sem Davíð er við stýrið stöðvaði ekki útþenslu bankana.

Davíð segir að í skýrslu sem kom út í maí á síðasta ári hafi verið bent á þetta en það er ekki rétt. Í skýrslunni er það sagt að "hugsanlega geti verið að ..." í samantekt skýrslunnar þar sem meginefni hennar er dregið sama er ekkert minnst á að stefni í þetta "hugsanlega". Í þessari skýrslu er það nefnt hinsvegar skýrum stöfum að bankarnir standi styrkum fótum og allt sé í gúddí fíling.

Hver átti þá að grípa í taumana. Jú. Seðlabankinn er eina stofnunin sem gat gripið í taumana. Seðlabankinn einn hefur þau verkfæri sem til eru til að stöðva útþenslu bankanna.

Það er sérstakt að skoða viðtal við eina helstu málpípu frjálshyggjunnar á íslandi sem hélt fyrirlestur fyrir einu og hálfu ári síðan um "íslenska efnahagsundrið". Hann var í viðtali í Íslandi í dag daginn áður.

http://vefmidlar.visir.is/VefTV/Default.aspx?channelID=STOD2&programID=b2fab606-e8f9-4500-a4d9-15008d8978da&mediaSourceID=4b8342d2-6d57-4144-8b62-3d3067588513

	Yfirlýsingar jaðra við einelti
Ábyrgðarmaður færslu Tilkynna um óviðeigandi tengingu við frétt